N.E.W.S.T.A.R.T.

Water|தண்ணீர்

“தோட்டத்துக்குத் தண்ணீர்பாயும்படி ஏதேனிலிருந்து ஒரு நதி ஓடி, அங்கேயிருந்து பிரிந்து நாலு பெரிய ஆறுகளாயிற்று.” (ஆதியாகமம் 2:10.).

அற்புதமான ஆரோக்கிய உண்மை: 100 வருடங்களுக்குமுன்பு, சவுதி அரேபியாவில் ஒரு மணல்மேட்டில் எலும்புக் குவியல் ஒன்று கண்டுபிடிக்கப்பட்டது. ஒரு மனிதன் அந்தப் பாலைவனத்தில் வழிதவறி இறந்திருக்கவேண்டும். அவனுடைய கந்தலான ஆடையின் பைக்குள் ஒரு குறிப்பு இருந்தது. அதில் “தாகத்தால் மரிக்கிறேன்; இதற்கும்மேல் என்னால் பயணத்தைத் தொடரமுடியாது” என்று எழுதி இருந்தது. இறந்துபோன அந்த மனிதன் ஒரு கூடாரம்போட்டு, தண்ணீர் இல்லாததினால் அங்கு உட்கார்ந்தபடியே மரித்திருந்தான். ஆனால் வருத்தம் என்னவென்றால், அந்த மனிதனின் எலும்புக்குவியல் இருந்த இடத்தருகிலேயே ஒரு பாலைவனச் சோலை இருந்தது; அங்கே ஊற்று ஒன்றும் இருந்தது; அதிலிருந்து சில நூறு மீட்டருக்கு அப்பால் தாகத்தால் மரித்திருந்தான்.

இதைப்போலவே இன்று, தங்களைச் சுற்றிலும் தண்ணீர் இருந்தாலும், இலட்சக்கணக்கானோர் உடலில் நீரின்றி மெதுவாக இறந்து கொண்டிருக்கிறார்கள்.

தேவன் முன்னரே திட்டமிட்டாரா?
தேவனாகிய கர்த்தர் பூமியின்மேல்  இன்னும் மழையைப் பெய்யப்பண்ணவில்லை நிலத்தைப் பண்படுத்த மனுஷனும் இருந்ததில்லை. அப்பொழுது மூடுபனி பூமியிலிருந்து எழும்பி பூமியையெல்லாம் நனைத்தது. தேவனாகிய கர்த்தர் மனுஷனைப் பூமியின் மண்ணினாலே உருவாக்கினார்.” ஆதியாகம் 2:5-7
தாவரங்களும் மிருகங்களும் மனிதரும் தாகத்தை அனுபவிக்கும்முன்பே அவர்களின் தேவைக்கென்று தேவன் தண்ணீரை அதிகமாகவே உண்டாக்கி வைத்திருந்தார். தாகத்தைப் போக்க தேவன் கொடுத்துள்ள பரிந்துரை இன்றும் பொருந்துமா?
தண்ணீரின் முக்கியத்துவத்தை உணராமல் இருக்கிறோம்; அதன் உயிர்காக்கும் தன்மைகளை மறுபரிசீலனை செய்வோமா?

நம் உடலில் எவ்வளவு தண்ணீர் உள்ளது?

லுள்ள எலும்பாகிய சைகோமா வரை நமது உடலின் அனைத்துப் பகுதிகளிலும் தண்ணீர் இருக்கிறது. நமது உடலின் எடையில் 60 சதவீதம் மேலாக தண்ணீர் இருக்கிறது. சில திசுக்களிலும் உறுப்புகளிலும் தண்ணீர் அதிகம் உள்ளது.
மூளையில் 70 சதவீதம் தண்ணீர் உள்ளது; நுரையீரலில் அதற்கும் அதிகமாக 90 சதவீதம் தண்ணீர் உள்ளது…
 

உடலில் போதுமான தண்ணீர் இல்லையென்றால், என்ன நடக்கும்?

தண்ணீர் பற்றாக்குறைவான சந்தர்ப்பங்களில் முக்கிய உறுப்புகளைப் பாதுகாக்க உடலினுள்ளேயே நுண்மையான பாதுகாப்புமுறை உள்ளது. தோல், மூட்டு, எலும்பு போன்ற பாகங்களிலிருந்து தண்ணீரை எடுத்து, அதை மூளை, இதயம் போன்ற பாகங்களுக்கு நமது உடல் கொடுக்கிறது. 
துரதிர்ஷ்டவசமாக, பலர் போதுமான தண்ணீர் குடிக்காமலேயே தங்கள் வாழ்நாள்முழுவதும் வாழ்கிறார்கள்; அதன்விளைவாக சீக்கிரத்தில் முதுமை, சிறுநீரக அழுத்தம், கீல்வாதம் போன்ற வியாதிகளுக்கு ஆளாகிறார்கள்.
 

உண்மையில் நமக்கு எவ்வளவு தண்ணீர் தேவை?

தாகம் எடுப்பதற்குமுன்பே தண்ணீரை ஒழுங்காக, போதுமான அளவு குடிப்பது முக்கியமானது.
சாதாரண சீதோஷ்ண நிலையில் தேவைப்படும் தண்ணீரின் அளவுபற்றின உலக சுகாதார நிறுவனத்தின் பரிந்துரைகள் கீழே கொடுக்கப்பட்டுள்ளன.
பெண்கள்: ஏறக்குறைய 2 லிட்டர்.
ஆண்கள்: ஏறக்குறைய 2 லிட்டர்.
உடலிலுள்ள தண்ணீரில் சராசரியாக 4 சதவீதம் தினமும் வெளியேறுகிறது. சிறுநீர், மலம், வியர்வை, மூச்சு ஆகியவற்றின்மூலம் தண்ணீர் வெளியேறுகிறது.
உடற்பயிற்சியில் அதிகம் வியர்ப்பதால், மேலே பார்த்தவற்றைவிடச் சற்றுக் கூடுதலாகத் தண்ணீர் குடிக்கவேண்டும். 
 

நாம் தாகமாக இருக்கும்போதுமட்டும் தண்ணீர் குடித்தல் ஏன் போதாது?

தண்ணீர் குடிக்க, தாகம் எடுக்கும்வரை காத்திருக்கிறீர்களா?

ஏதாகிலும் குடிக்கவேண்டுமென்று உங்கள் மூளை கட்டளையிடுவதற்கு முன்பே உடலில் தண்ணீர் குறைந்துவிடுகிறது என்பது நிபுணர்களின் கருத்து.

 

நீரிழப்புக்கான சில ஆரம்ப அறிகுறிகள் யாவை?

மிதமான நீரிழப்பால் உடலின் எடையில் 1 முதல் 3 சதவிகிதம் வரை குறைகிறது. 

    • தலைவலி 
    • சோர்வு
    • பசியிழப்பு
    • சிவந்த தோல்
    • தாங்கமுடியாத வெப்பம்
    • தலைச்சுற்று
    • வாயும் கண்களும் உலர்தல் 
    • தோல் நெகிழ்ச்சி குறைபாடு
    • பசி என்று நினைக்கத் தோன்றுகிற வயிற்றுவலி
    • உடல் எடை அதிகரிப்புக்கு வழிநடத்தும் மெதுவான வளர்ச்சிதை மாற்றம்.

Amazing Health Fact: Simple filtration, reverse osmosis, and steam distillation are some of the methods commercial water suppliers use to purify water. Some also add minerals to improve taste. One way to improve the taste of your drinking water is to add a squeeze of fresh lemon or lime juice.

அற்புதமான ஆரோக்கிய உண்மை:

வடிக்கட்டுதல், எதிர்ச் சவ்வூடுபரவல், காய்ச்சி வடித்தல் ஆகியவை வணிக ரீதியில் நீரைச் சுத்தப்படுத்தும் முறைகளாகும். சிலர் சுவையேற்றுவதற்கு சில கனிமங்களைக் கலக்கின்றனர். குடிதண்ணீரை ருசியேற்ற எலுமிச்சைப் பழத்தின் சிறிய துண்டையோ, எலுமிச்சைச் சாற்றையோ அதில் சேர்க்கலாம்.

மேலும் படிக்க வேண்டுமா? அமேசிங் ஹெல்த் பத்திரிகையை ஆர்டர் செய்ய எங்கள் வள பக்கத்தைப் பார்வையிடவும்!