“Isol … sakantina bebera·ako toe on·aha” (Romrangna 12:3)

Aiao Inmanpilgipa Be·en An·senganina Kattarang: Placebo ingipara maiba sam guli ba bitchi gita daka, indiba uara rong nonggimin sam guli ba bitchisan ong·aiachim aro uno samni gun mamungba dongsrangjachim. Saenggipa manderangna ia sam gita nikatgipako on·e uamangni saani obostarangko namdapatani ong·gen ine ka·dongani dongachim. Gital samrangko namama ine test ka·e nianio ia placeborangko jakkalachim. Sandie nianio indake nikmanaha je, sagiparang ua samko jakkale nion, uaranga an·tangtangni saana sam ine bebera·e jakkalon uamangni saaniko an·sengatangaha, ba uamangni saarang namdapangaha ba chu·gimikan saa gimaangahachim.
Mingsa obostara, sagiparangko uamangni an·teara rong rokomsako nonge donode ua rongrangni talangahaon uamangni an·terang gimaanggen ine doctorrang uamangna ku·rachakahachim. Aro sandie nigiparangni leng sagiparangoniko sandie nion, leng sagiparangni balwa ramarang, ua balwa ramarangko apalatna jakkalgipa bosturangko jakkale maikai apalbatatna man·gen uko jakkale nikujaomangba uamangni balwa rama apalbatbaengaha ine sandie nigiparang nikaha. Iana sakkiko man·na gita hajal dake nianirangan sakki ong·enga. Iarangan bebera·ania uamangni an·seng baljokaniko nambatata ine sakki on·ani ong·a.

Bebera·ani

Ia obostaan Jisu An·tangni an·sengatgimin manderangna maina indake agana uko talatani ong·gen, “Nang·ni bebera·a nang·ko an·sengataha. Tom·tome re·angbo, aro nang·ni biationi an·senge dongbo” (Mark 5:34). Beben, mandeni samo aro sangipa doctorrango ka·dongchakania uamangni an·seng baljoke donganio nambatatani ong·ode, Isolni an·chingko an·sengatanio bebera·ania baditana bilakbatgipa an·sengatani ong·genchim?
Jisu indine agana, “Na·a amode, bebera·gipana pilakkon ama” (Mark 9:23). “Bebera·a” ingipani gimin aganode, sandie niani nikani gitade, sangipa aro saenggipa bebera·ani dongode sagipa mande an·sengningbata. Mingsa sandie nianio indine aganani donga, “Wagam wama bon·chotgipako okmano sa·dikaniko namatna gita ultrasound ko jakkalode sa·dika nama ine bebera·a, indiba untrasoundko chalaijaengomangba uko chalaienga ine bebera·e dongode sa·dikarang namninga ine agana.” Uandake apsan, jinmani bi·chakanio bebera·ania sagipako namatningna dakchakaniba ong·a.

Aiao Inmanpilgipa Be·en An·senganina Kattarang: Na·a bilsi sni bate janggi tangna skengama? Jat gimikoniko mande sak 21,000 rangoniko sandie niaoniko Reader’s Digest ni report on·atani gitade, indine ong·a: je manderangan Isolo bi·a aro antio changsana bate giljachi re·a, uamang gilja re·gijagipa aro Isolo bi·gijagiparangnade bilsi tangbangbatna ka·dongani donga.

Mandeskani Nangrimani: Namgipa Manderangde Mandeskako Nanga

“Jihova Isol inaha, Ua mandeni saksan dongara namja” (A·bachenga 2:18).
A·bachengaonin Isolara mandeko dongrim rorimchinasa ong·atachim. Name ka·dongchakgrike an·senge aro saksa sakgipino ka·dongchakgrike donganina an·chingkoa daksomanahachim.
Na·a Ge·eta Ming chikkungko name niahama? Skanggipa mingbriranga an·chingni Isol baksa nangrimani, aro bon·kamgipa mingdokranga an·chingni mandeska baksa nangrimanini gimin ong·a ine nikgen. Uni giminsa Jisua Ge·eta Mingchikkungko ge·etani minggnio napgopata: Isolna ka·sana aro an·chingni songsulna ka·sana nanganiko man·gope agana (Mati 22:37–40).
Aiao inmanani ong·a je, da·ororoni sandie nianirango bang·a be·en an·senganirangan mandeska baksa name nangrim meligrika ba meligrikgijanio pangchaka ine nikenga. Indiba ianaba nangchongmotbate, Isol baksa nangrimgrikanian samna bate an·sengatbatani ong·a ineba nikenga.

Aiao Inmanpilgipa Be·en An·senganina Kattarang: Meja ruutkugija somoi sandie nianioa indake report on·ani dongaha je, United Statesode jik se ra·gijagiparang budepa buchuma ong·na skangan sirongaia. Unbaksanaba, jerangan jik se galgrika, uamangonide sak ritchaprako sak 27 de seng·gnang sirongbata. Unbaksanaba, an·tangtangko so·ote sigiparangko niatode, jik se ra·gija saksan donggiparangan an·tangtangko so·ote sibata. Sikdikdik donganio siningani bata.

Want to read more? Visit our Resources page to order the Amazing Health magazine!